Saturday, January 14, 2012

2 புதிய வண்ணங்களில் ஷைன்: ஹோண்டா அறிமுகம்

சந்தை போட்டியை சமாளிக்கும் விதமாக 2 புதிய வண்ணங்களில் ஷைனை பார்வைக்கு அறிமுகம் செய்துள்ளது ஹோண்டா. இந்த புதிய ஷைன் விரைவில் விற்பனைக்கு வரும் என்று எதிர்பார்க்கப்படுகிறது.

கடந்த 2006ம் ஆண்டு இந்திய மார்க்கெட்டில் அறிமுகம் செய்யப்பட்ட ஹோண்டா ஷைன் 125 சிசி மோட்டார்சைக்கிள் மார்க்கெட்டில் விற்பனையில் முன்னிலை வகிக்கிறது. இருப்பினும், சந்தை போட்டியை சமாளிக்க வேண்டிய கட்டாயத்தில் ஷைன் இருக்கிறது.

இதை மனதில் கொண்டு கூடுதலாக 2 புதிய வண்ணங்களில் ஷைன் பைக்கை அறிமுகம் செய்துள்ளது ஹோண்டா மோட்டார்சைக்கிள் நிறுவனம். தற்போது கருப்பு, கெனி கிரே மெட்டாலிக், ரிபெல் ரெட் ஆகிய மூன்று வண்ணங்களில் ஷைன் விற்பனை செய்யப்பட்டு வருகிறது.

இந்த நிலையில், ஃபோர்ஸ் சில்வர் மெட்டாலிக் மற்றும் மான்சூன் கிரே மெட்டாலிக் ஆகிய இரண்டு புதிய வண்ணங்களில் ஷைன் விற்பனைக்கு வர இருக்கிறது. மேலும், புதிய கிராபிக்ஸ் ஸ்டிக்கர்களும் ஷைனுக்கு புதுப்பொலிவை கூட்டுவதாக இருக்கிறது.


0 comments:

Post a Comment